Flott, moderne leilegheit med integrert carport på solrik tomt

Prosjektfase

Nøkkelinfo

I eit roleg og idyllisk område med nærleik til det aller meste er vi no i gang med bygginga av denne stilfulle og moderne tomannsbustaden.

God planløysing der stue og kjøkken er utforma som delvis opent areal med god kontakt mellom romma. Store vindauge mot sør slik utsikta kan nytast både frå kjøkken og stue. Her er bad i begge etasjar, og eit soverom nede og to oppe. Separat vaskerom i underetasjen, og to gode boder i bakkant av carporten.

Kjempefin overbygd balkong med utgang frå kjøkken, og treplatt på terreng på sida med utgang frå stue.

Kvar leilegheit har ein parkeringsplass i carport i tilknyting til bustaden, og privat innkøyring og parkering på sørsida. Veg og parkeringsareal vert asfaltert i samband med ferdigstilling av bustaden.

Om nabolaget

I Vatnehagen bor du i eit roleg og idyllisk bustadområde med nærheit til det aller meste. Sentral plassering nær Vatne barneskule, og gangavstand til barnehage, daglegvarebutikk, kafe, treningssenter, småbåthavn m.m.

I nærområdet er her fleire flotte friluftsområder med fine turstiar, og like i nærleiken ligg Gurinesbukta, eit nydeleg rekreasjonsområde med badeplass. Her er fleire fine fjellturar i nærområdet, og turstien til Ulvestadsætra og vidare til Ulvestadvatnet og Otrefjellet er vel den som er aller mest populær. Området har svært gode vilkår for friluftsliv med ferskvatn og eit flott fjellandskap. Ein variert natur gir gode føresetnader for ulike aktivitetar for alle.

Nokre få minutt unna med bil ligg Vatne ungdomsskule, Eidet kulturhall og IL Ravn sitt idrettsanlegg. På Eidet ligg også to daglegvarebutikkar, diverse andre butikkar, frisør, legekontor, tannlege, Eidet omsorgssenter, bensinstasjon med gatekjøkken m.m. Køyretid til Digerneset 15 minutt, til Moa 25 minutt, og til Ålesund sentrum via Ellingsøya ca. 35 minutt.